لكل مستجده . .

لا تنسي ابتسامتك قبل كل شيء ..

مساحتي اليوم عن كل طالبه مستجدة ، أو ذهبت لتكمل تعليمها بعيداَ عن أهلها .

أول شيء دائما رددي الحمد لله ، الحمد لله ، الحمد لله ، الشيء الثاني أحيانا ربي يكتب لك الشيء ، وانتِ أصلا مو عارفه الخيرة وين ، سوأ كنتي مستجدة لتخصص ما تبينه ، أو رحتي بعيد عن أهلك .

نحمد رب العباد على كل شيء يحصل ،و نتوكل عليه ، ونتأكد أن اللي صار لنا خيرة و نبتسم .

ونجي للخطوات الثانية ..

حسيتي بحزن ؟

ضيق ؟

كبته بصدرك ؟

أو عيونك قرت الكلام و تذكرتي وصار فيها دموع ؟

عادي عيشي حزنك بس لا تطولين عطي حزنك وقته ، بعد ما تعطين حزنك وقته ، شوفي في مجال أنك ترفعين ( تشدين)  حيلك وتجيبين معدل و تحولين من التخصص أو ( من جامعة إلى جامعة ) وترجعين عند أهلك .

اذا ما صار معك مجال استخيري !

أي نعم استخيري ، و استخيري ، وارضي بما كتبه الله لك و ابتسمي .

بعدها استغلي يومك من رياضة أو قراءة أو تتعلمين شيء جديد مثل ( لغة – طبخ - ..... الخ ) ، يعني شيء جديد عليك .

بعدها لا تعطين مجال لشيطان ابدا أنه يذكرك بشيء هذا ويرجعك لحزنك ، وتأكدي أن بعد ما تتخرجين الخير جالس ينتظرك ، بس لا تحطين يدك على خدك وتقولين متى و متى ، وكل شيء على مثل ما هو ما تغير .

والشيء هذا ابدا ما يساعدك أنك تتخرجين بشيء كويس ، فصيري قوية وكوني انتِ الدافع القوي لنفسك ، لا تنتظرين صديقه تجي تطبطب عليك أو أختك ، والكل مشغول بحياته .

خليك انتِ بنفسك اللي تقوين نفسك ، اهم شيء يومك ما يخلى من اذكار و صلاه و قران ، واي مهارة جديد تعلمتيها .

وقولي هلا بالحياة الجديدة السعيدة .

باختصار كلامي كله لا تخلين مجال لأي أحد يعكر مزاجك ، حاولي تسعين اذا ما قدرتي ارضي ، لما ترضين حياتك بتكون أجمل والله يوفق الجميع .

ولا تنسين الابتسامة ورايك الجميل .